鬼叫你考四六级先来生日咩..唔係我就可以翻去陪你啦..(嘻嘻..可以咬你添~)

肥嘢兔..生日快乐啦..又大一岁啦..唔好成日"装嫩"啦..祝你永远可爱..永远咁多人锡..

       高一同你只肥嘢同班..不过我哋都係高二先开始"行埋"..哈~~多得我哋住得近,晚修完一齐翻屋屋..多得你怕死,一见到D蛇虫鼠蚁就抓实我..或者感情就係咁不知不觉中萌芽..哈哈哈..慢慢就同你越来越熟..一齐喺我屋发傻..一齐跳舞..一齐玩猫猫..我..你..肥怪兽,一齐喺怪兽屋同pizzahut"狂欢"..

        朋友分好多种..我哋心照啦..虽然我哋未必係最了解对方嘅..但我相信我哋俾对方嘅感觉係温暖嘅..好多嘢我知你知嘎..你只係喺度"扮唔知"..或者可能最聪明啯个係你..你知道自己要嘅係咩..你知道要点做..你亦都知道点保护自己..单纯唔代表无脑,你就係..你要一直往自己嘅目标不断前进啊..你有咁嘅毅力,亦有咁嘅能力..加油..

        豺狼..怪兽同兔仔..永远相亲相爱..最多我唔虾你哋啦..顶笼咬下..

         我是小朋友..        这个词的范围并不是年龄..

               有很多东西是值得我们永久珍藏在内心深处..

                      【童真】是一切的美好与纯洁..

                                            "六一"儿童节快乐..

         今日去上健美操课..去到健美操室,见到有两三部车喺门口..里面仲有成棚人..整晒成个架步咁..后来先知有人来我哋学校拍电影..就係距啦..

之后个工作人员话个男主角喺旁边..我望左一望,发觉无乜特别..成个学生仔咁..之后好多人走去问距拿签名..心啉唔喺啊嘛..点知呢个时候有人话距係李逸朗..(四页草..同蒋雅文组情侣档啯个.无错)..我再心啉,唔係啊嘛,我真係一D都认唔出..就係距..有反差呢..哈哈..听讲距哋已经拍左几日嘎啦..最后,我都凑热闹.同距影翻张..张相影得我好肥啊..唔开心..不过都几好玩,几过瘾啦..哈哈..

        学校终于有间"试正"D嘅食店啦..哈哈.个环境真係唔错..听讲喺澳门嘅..珠海都有.不过广州无啵..

同肥腾腾同学两个人去食..距点左泡菜猪颈肉..自从上次喺广州大城小厨食过炭烧猪颈肉,就爱上左食..o(∩_∩)o...哈哈.味道都唔错..仲有杯嘢饮送,我拣左..

不过主角依然係我点嘅主菜..西西里鸳鸯扒..^_^..真係好味喔.扒好嫩.面头芝士同茄子番茄,夹住块扒一齐食味道remix左,无净食扒咁单调..我要左蒜蓉汁,不过里面有番茄味,个酸味重左D,盖过左肉嘅鲜味,而且伴菜都偏淡..如果唔係就完美啦..

最后係全家福..总括来讲喺我哋学校食到咁算唔错嘎啦..哈哈..不过消费相对就贵D..两个人66埋单..

有个曳小朋友喺度吸烟..小朋友唔好学喔..(*^__^*) 嘻嘻……

         今次清明翻广州..出左翻去拜山..仲有另一个行程,就係..食..食..食..俗语话食在广州啊嘛..

          首先来个炸雪糕先..^_^..原来距就係宝华路..枉我喺西关大..都几好味啦..4蚊一个..我拣嘅係草莓味..外面係少少似糖沙翁咁但密度比糖沙翁高嘅一层嘢包住个雪糕..包得好得意嘎..如果唔连埋雪糕一啖食外面层嘢就D腻..连埋雪糕一齐食就好味啦..外面热热哋几松软..里面嘅雪糕冻冰冰都几滑..算係咁啦..哈哈..

之后夜晚就去左闻名好耐嘅"冰镇"啦..

喺广州食好嘢最紧要就係识"稳食"..我地八点左右去到三层楼都几乎坐满人啦..我地两个人食..点左冰镇八爪鱼..冰镇鳝片..招牌金沙虾..一杯鲜榨芒果汁..都好好味啊..D冰镇嘅嘢应该係稍稍"碌"熟再拿去冰镇嘅..加上柠檬汁点距调好嘅芥末酱油食..超鲜甜啊..芒果汁都几浓稠好香芒果味.甜..至于个金沙虾都几好..食落唔会好油腻..可以成只摆落口嚼啊嚼..味道唔会太浓..有好多碎碎嘅脆脆粉铺喺虾虾上面所以叫金沙虾啦(我估嘎咋)..两个人食最后56买单..呢度嘢係几好食..不过份量唔多..食唔饱..咁啱我哋都唔饿,如果饿建议加点食饭或粥..

                           好满足啦..食左好味嘅嘢..最近发觉我自己变左..我开始觉得追求生活方式上嘅优越比物质上嘅奢华更重要..我要继续食..食..食(唔好肥就最好啦)..要去旅行..要过健康嘅生活..新时代女性..哈.

                                                                   我俾ceci點名了.
                                                                   话被點到名字的人將會得到大家的祝福.
                                                                   並且所有美好的願望都會在不久的將來實現...
                                    I HOPE SO..

                                                           A.被點到名字的要在自己的博客裡寫下自己的答案.
                                                           然後去掉一個你最不喜歡的問題再加上一個你想問的問題.
                                                           仍然組成20個問題，傳給其他8個人，列出其他8個需要回答問題的人的名字.
                                                           還要到這8個人的博客裡留言通知對方——你被點名了.
                                                           被點名者不得拒絕回答問題，完成遊戲的人將會永遠得到大家的祝福。

                                                                               B.這8個人要在自己的博客裡註明是從哪裡接到的.
                                                                並且再傳給其他8個人，讓遊戲繼續下去，不得回傳。
                                             被點到名字的人將會得到大家的祝福，並且所有美好的願望都會在不久的將來實現。

                                                                              1.如果愛人背叛你.你會怎樣?

                                                                                   争距翻来跟住背叛翻距..

                                                                               2.最受不了你愛嘅人咩缺點?

                                                                                    优柔寡断..

                                                                               3.如果同時有三個人喜歡你.三人同時是朋友.你會怎樣?

                                                                                    同距地都做朋友,一视同仁..

                                                                               4.最受不了自己的哪個缺點?

                                                                                    懒..

                                                                               5.呢一刻你最想做D咩?

                                                                                    翻屋企..

                                                                               6.有沒後悔過做某些事?或後悔愛上某個人?

                                                                                    有..

                                                                               7.如果他(她)傢人不喜歡妳.還會跟他(她)在一起嗎.?

                                                                                    距屋企人都几中意我喔~哈..

                                                                               8.如果他(她)伤害过你..但你还爱他(她).,,你还会和他(她)一齐吗?

                                                                                  会啊..

                                                                               9.如果可以重來你還會喜歡他嗎?

                                                                                  會

                                                                              10.最爱你的人不爱你，你要怎么办？

                                                                                   思考下点解距唔爱我..

                                                                               11.最想得到什麽?

                                                                                    幸福..

                                                                               12.和朋友鬧翻了,你會心痛嗎?

                                                                                    會..

                                                                                14.你現在遇到你喜歡的人嗎?

                                                                                      遇到

                                                                                15:你最后悔噶一件事?

                                                                                     打左距一巴..

                                                                                16.最窝心的事情是什麽?

                                                                                     被误解..

                                                                                17.谁在你心目中最重要?

                                                                                      媽咪

                                                                                18.如果你能對你最討厭的人做一件事.你會做些啥?

                                                                                     我无最讨厌既人..哈哈..

                                                                                19.被人暗戀的感覺是怎樣的？ 

                                                                                     有一个人事事为你,但你会觉得好自然同理所当然..

                                                                                 20.你会对你爱人做最傻嘅事係咩?

                                                                                      扮傻扮小朋友..距叫我做咩都会去做..

                                                               比ceci點名啊..

                                                                                           不过我都唔知点翻边个好..甘就唔点啦..哈哈..

      最近我地准备入股淘宝,经常系上面做大买卖..而我地既婷姐亦都从很傻很天真变成个淘宝商界女强人..

       我同芳姐见个势甘好当然要入股啦..清明过后就一尝做老板既兴奋..

       平时系宿舍真系闷到癫..最近淘宝就成为我地既寄托,无野做打开电脑就上淘宝..从睇成百页野都睇唔岩到依家经常稳到平、靓、正..既野..果份成就感简直就系不言而喻啦..话说女人真系天生既购物狂..起码我地宿舍既都系..慢慢我地已经不满足于单纯既购买..于是..我地决定自己开铺..简直就系无本生利既活动..

       我地宿舍无时无刻都沉醉系"淘宝"中..

       差d忘记左我写呢篇野既目的..热烈庆祝婷姐既铺头卖出第一批商品..哈哈哈..

       一直以来对广州都无咩特别既情感..可能因为自己一直生活系呢个地方,周围既人同事都发生系呢个城市里面..直到我去左珠海读大学,我第一次长时间甘来离开广州..

        到左大学,周围既人来自全国各地..渐渐发觉好唔同..因为以前跟本无人会问:"你是哪里人?"..但系度,呢个基本上系初相识一定会问既问题..而广州对我既意义慢慢开始发生变化..以前我对广州唔会有太大既感觉,但依家就会好关注广州既野..不自觉间会维护自己既家乡..可以话,上到大学我先第一次感觉到我对广州既热爱..

        作为土生土长既广州人..一直都觉得呢个地方有D排外..治安唔好..空气差..城市拥挤..但我相信距一直系度成长紧..特别系今次既春运,可以话系广州人既骄傲..我真系觉得广州已经做得好好..我感动既系全民既帮助..唔止系公安同运输交通部门人员的辛劳..就连普通既市民都尽自己既力量去帮助其他人..捐衣物既街坊,维持秩序既表哥,去派饭既表姐,做义工既朋友.仲有其他好多好多既广州人..呢一切就发生系我地既身边..好近好近..而且,无论距地几累几辛苦..距地都唔会介意,大家啉到既只系果d翻唔到屋企过年既滞留旅客..啉到既只系点样可以帮到距地更加多..

       广州..已经渐渐成长..成为一个拥有更多爱同包容既地方..我相信作为广州人既自豪并唔系来自城市既经济水平.而系一个城市既底蕴同文化..

       今年唔可以陪你过生日..虽然无我系你身边但你都要开开心心过嘎..

       20岁啦..大个女啦..高一我地一个班,唔知点解就一齐玩..直到以家..一直以来,你就好似一个小妹妹甘,我理所当然甘照顾你,而你亦理所当然甘要求我甘样做..虽然你一直以来都系受周围既人照顾,好少将自己既野分俾其他人,但你对我却从来无计较过..以前既你,总希望我可以一直系你身边陪住你,但自从我来左珠海读书,你就要习惯自己一个啦..你同我讲我翻左珠海你就好似少左个屋企甘..其实,唔只系你需要我嘎,我都好需要你嘎..记得余曾经同我讲,你系一个无论我做咩你都会企系我果边既人..无错..你真系一个甘既傻人..无论我做对或者做错,其他人点睇我点对我,但你都会甘傻甘一直帮住我,甚至系不理是非对错..正因为甘,无论我变成点,无论你变成点,我都会甘锡你..同样地系任何时候都会系你身边..

       我知道你以家身边有个一样甘锡你既人..但系你自己既生命中,要为自己寻找一个支点啊..唔好俾其中任何一样野占据晒你既全部..因为如果样野有咩唔好既发展,你就会无其他既野来支撑你自己..无论系以家或者将来都要为自己稳一个支撑点,要为自己而生活,并唔系为左别人..

       虽然你已经长大左好多..但我依然系当你系个小妹妹..因为呢种关系我同你都会最快乐..可能我唔系广州既日子你就少左个家,又要到处流浪..遇到唔开心既时候就啉下我啦..就算我搬左屋之后,你都一样可以当我屋企系自己屋企嘎..不过就无得现场收听老鼠赛跑啦..

       最后祝你生日快乐..越大越靓..稳到只属于你既幸福..以后无忧无虑..

                             119..

                                                         226..227..

                                            322..

405..425

                  506..525..

                                                            602..621..

                                808..810..

         911..923..

                                                                              1017..1022..

                                 1101..1129..

                                                            1210..1225..

                                                                     Remember...all of you in my life..

       好多人都会话广州时下既青少年好虚荣好中意追名牌..亦有好多人好拜金..

       nigo..藤原浩..高桥盾..陈冠希..bape..fragment..undercover..clot..neighborhood..stussy..visvim..supreme..sillything..COMMEdesGARCONS..等等等等..我相信身为潮人的你们并不会对呢D潮流高频词汇陌生挂..再升级既就梗系LV..GUCCI..YSL..ARMANI..此类...

       其实,我觉得虚荣系俾同类睇嘎..试问如果你着条成千上万既潮牛出街..但无人知..无杂志介绍过..无潮人设计或者着过..你会买吗?虚荣既人就系享受别人目光注视系自己身上既时候..特别系当别人讲:"哗..距果条咪系啊边个边个着过..乜乜同乜乜crossover..全球限量版xx条既..."..好似只有系有人识距既时候..呢条野既价值先会体现到..如果其他人都唔关注潮流..知鬼你咩来既咩..

       或者,当追名牌变成对生活水平既追求,而唔系物质上既炫耀时..奢侈才会被大众接纳..我身边一直都有不乏潮人..做得潮人首要条件就系家境唔错..唔系点买得起潮牌啊..我有一个朋友都好多名牌,但我从来都无觉得距虚荣..距会觉得名牌既用料同细节位做得好好..着起身会好舒服..或者,距追求既并唔系牌子既果几个字母,而系距地既制作同出品..(26个字母里面边个最贵啊?..LV..)成万银买两个字母你话贵唔贵先..有预测话,中国好快就会超过日本成为全世界最大既奢侈品消费市场..但又有几多买名牌既人系知道(唔好话熟知啦)该牌子既品牌文化啊?好讽刺..有时连专柜sell屎都唔知..虚荣真系会令人好盲目..你着起件衫,孭起个袋..起码你都要衬得起距啊.好多人买名牌就系为左显示自己身价..有D系为左提高自己身份.(有好多状元坊feel既"靓"妹孭个LV水桶袋出来,鬼唔知你系流既咩..).但我觉得一个牌子可以成为世界知名牌子,一定会有距既理念同底蕴..但呢一切又俾价钱同牌子既名称同字母所掩盖..

       我并唔觉得追求名牌有错..因为叫得名牌,梗有值得我地追捧同学习既地方..系企业管理甚至到国家既经济发展..树立品牌意识系好重要嘎..但如果我地对名牌既向往系出于纯虚荣心作祟..甘就只可以怪自身素质啦..

         今日,学校好大雾啊..搞到周围咩都睇唔清..湿漉漉的..呢两日基本上完全无咩点出宿舍..一系训,一系坐..无聊中还迷上了玩找茬...

       最近真系好懒..个人懒..个脑都懒埋..好似好耐无用过距啉野啦..日日最费劲既就系啉食饭食咩..其他就无野要用脑啦..甘落去我会唔会变蠢..变傻嘎..或者呢种生活系好多人梦寐以求既..今日越洋同飞倾电话,距话系美国就系物质既享受,精神既折磨..甘我系中国,系大学呢?物质..无..精神..都无..系无享受,无折磨..系我易满足啊,定系无追求..我一直都觉得自己无目标,无方向..或者就好似今日行系条路甘..我知下一步要点走..但更远既路呢?我睇唔到..我可视范围就只有甘多步.必须行一步,先可以睇清多一步..最近睇左部日剧..距话人类做得最好既野就系帮自己稳借口..人成日都会话我估唔到会甘,其实无野系无端端会有甘既结果嘎..所有野都有距既缘由,都系一步一步造成最后既状况..只系系事情出乎人料想既时候,先发觉事情既发展已经变到自己无法掌握同预计既地步..我地无办法回到过去,我地只可以改变现在..影响未来..但人最难做既就系系后悔形成之前作出补救..人会怀缅过去.会思考未来..但人却常常在丢弃现在..而这又造成对过去的悔恨和未来的茫然....

       我的现在...朦查查...

       病左两三日..训左都成40几个钟..今日终于好翻D啦..其实都无咩野,少少感冒喈..不过依家仲鼻塞..唉..只不过呢几日无精神复习..所以科英语就......

       细菌小子..我唔会惊你嘎..我好快就会取得呢场战争既胜利..哈哈哈...

         元旦放完假翻到来学校之后就一直系度"藕"..真系好闷啊..就快闷死啦...

       7号考一科,之后就要等到18号考埋净低最后既一科..痴线嘎..日日陪住我既就系电影..日韩美剧..基本上感兴趣既都睇晒..我既人生啊.我既大学生活啊..今日突然啉起一部日剧..记得当时系翡翠台睇既..叫《我要cake一cake》..果时超中意睇啊..不过系一个星期先播一集..距里面既蛋糕超靓啊..而且间铺又好有西洋既古典feel..里面既人又有趣..每集讲既故事又几感人..我对距评价都几高嘎..

       突然觉得所有心中经典既..都系陈旧既..或者正系呢份久违,先系最令人牵挂的..曾经的一次感动或难忘..会因时间的流淌而慢慢渗进内心深处..

       考完四级话甘快又圣诞啦..冬至都无得翻同屋企人过冬..同妈咪咪倾左..                   

系度祝大家:"圣诞快乐啦.."

   就下D去左美国同英国既朋友仔都讲声:"Merry christmas.."啦..

        讲讲下,呢两年既圣诞都系学校过..今年仲要考试添..系考啊..无天理啊..!!!冬至果晚成班人出去食饭,肥腾腾同学(以前称小腾同学,因为发觉某人都系甘叫而改称..)饮大两,爆左距买左圣诞俾我..哈哈..仲有三日都守唔住..等距酒醒之后就.....不过都无用啦,鬼叫你自己饮大左讲既..哈哈..蠢到死..

       今晚去食自助餐..大家唔使啉到太美好..系学校南门外..18一位.（不过距话圣诞大餐要38.今晚会多好多好野食丰盛好多喔..)...平时就有pizza..有..有意粉..有..seafood..同其他臘臘杂杂既野食..除此之外就无其他plan啦..鬼叫系学校就系闷..周围又荒芜..虽然话东门出面就对住个海,但风大到吹死你啊..个肺都食沙饱..

        今日中午，小腾同学翻左深圳...要帮距妈咪手搬..以后就要去东莞浦啦...

记得上年元旦..我第一次去深圳,第一次见小腾同学妈咪..系果间煮饭俾距地食..一齐睇电影,玩五子棋..虽然只系去过四、五次,但对果间都几又感情..毕竟,在那里有"过家家"的回忆..

        或者我系广州土生土长,无办法明白距地既感受..深圳,唔系距地既故乡..东莞,更加唔会系一个有根的家..距地对果个城市无归属感..而亲人亦都唔系自己身边..我好难想象果份孤独..我一直都好怕养动物,我惊我对距地有感情之后,距地会离开我,所以我会选择唔养..更何况你系一个城市对果度既人同事物产生左感情..之后又要离开...流浪者还好,因为他们逗留既时间唔会好耐,距地可以不断游历,享受每一个地方,系对当地产生感情前离开..继续距地既旅程..但系系一个地方出生..四岁去到另一个地方..十几年后又再离开,去到另一个未知既城市.."家"的概念..你清楚吗?

       记得你同我讲过,屋企同家系唔同嘎..你亦讲过..有我既地方,先系家..我都相信..你话毕业后会系广州买楼,接埋你妈咪过来,我妈咪一定会好乐意教距打麻将..从此安定落来..我应承你啊..系广州,我会俾一个最温暖既家你..p.s.广州楼价好贵嘎..你要俾心机赚钱喔..

        系学校..每日恒定要啉既问题就系去边度食饭?..皆因呢度无野食.D野唔好食..

 前两日听阿急极力推荐永和既日式纸火锅..于是就同小腾同学去试试啦..就系距啦..我地叫左纽西兰肥牛..小腾同学最爱食呢度既萝卜糕..果笼流沙包本身啉住试试..一试就令我更加个挂住广州啦..同广州酒家,陶陶居既真系无得比...主角都未出场呢,小腾同学话最好味既系距地既酱料..要将鸡蛋分开蛋黄同蛋清..将蛋黄加入XO酱、蒜茸、姜丝、辣椒、葱等配料搅拌而成..而蛋清就留到最后加入个汤度..

       系呢间学校..甘都算系大餐嘎啦..唉..不过我觉得性价比唔高.都食唔饱既,而且味道又唔系太突出.可能系我期望太高啦..都系只适宜试试..

今日..终于俾我睇到你啦

之前一直最受关注既情欲戏..中国大陆就实删嘎啦..点知学校个网度有完整版喔..第一次有冲动赞美下我地学校..最近,有好似有好多导演都将情欲戏加入距地既作品度..前排韩国《现爱》、《苹果》..不过,加左之后无影响影片其他部分,反而使部戏更加流畅..但我唔明点解呢类戏..被讨论最激烈既一定系情欲既部分..甚至可能会盖过一切..其实呢D只系一个过渡..一个情节..同其他部分一齐先可以组成一部出色既影视作品..系因为导演同传媒既刻意宣传定系国人被压抑太久的人性欲望..对我而言..成部《色戒》最令我触动既系话剧果一幕...

                                   其实..我一直都觉得我生活中最重要既..系训觉..

                                                              我可以不受场地、时间既困扰..随时训着..哈哈..

          下星期..我美好的校园生活将要开始..无人再可以阻止我同"周公"切磋切磋..